• पत्रकारांच्या हक्कांचा बुलंद आवाज : पुरोगामी पत्रकार संघाचा संघर्षमय प्रवास
— मनोज मोडक
हिंदूस्थान न्यूज 24 :मनोज मोडक
(विशेष जिल्हा प्रतिनीधी, चंद्रपूर)
चंद्रपूर : पत्रकारिता हे समाजपरिवर्तनाचे प्रभावी माध्यम आहे. मात्र बदलत्या काळात अनेक पत्रकार आर्थिक, सामाजिक तसेच सुरक्षिततेच्या गंभीर अडचणींना सामोरे जात आहेत. अशा परिस्थितीत पत्रकारांना आधार, दिशा व बळ देणारे पुरोगामी पत्रकार संघ हे एक विश्वासार्ह व्यासपीठ म्हणून उदयास आले आहे.
पत्रकारांच्या समस्या जवळून अनुभवत विजय सूर्यवंशी यांनी पुरोगामी पत्रकार संघाची स्थापना केली. संघाला बाळासाहेब आडांगळे यांच्या कार्याध्यक्षपदामुळे सक्षम व योग्य दिशा मिळाली आहे. पत्रकारांना केवळ बातमीदार न मानता समाजातील सजग घटक म्हणून सन्मान मिळावा, त्यांचे हक्क अबाधित राहावेत आणि अन्यायाविरोधात संघटित लढा उभा राहावा, या उद्देशाने संघ कार्यरत आहे.
अल्पावधीतच संघाने राज्यभरात ठळक ओळख निर्माण केली आहे. चंद्रपूर, नागपूर, भंडारा, गोंदिया, अमरावती, अकोला या संपूर्ण विदर्भासह पुणे, मुंबई, रायगड, नाशिक, नांदेड, बुलढाणा आदी जिल्ह्यांमध्ये तसेच इतर राज्यांत ग्रामीण, तालुका व जिल्हास्तरावरील पत्रकारांना संघटित करण्यात आले आहे. पत्रकारांना कायदेशीर मार्गदर्शन, सामाजिक संरक्षण, प्रशिक्षण तसेच अन्यायाविरोधात प्रभावी व्यासपीठ उपलब्ध करून दिले जात आहे.
पत्रकारांवरील हल्ले, खोटे गुन्हे, दबावतंत्र, मानहानी व उपेक्षा अशा गंभीर प्रश्नांवर संघाने ठाम भूमिका घेतली आहे.
“संघटित पत्रकारच सुरक्षित पत्रकार” हा संदेश संघाच्या माध्यमातून समाजात प्रभावीपणे पोहोचत आहे.
आज पुरोगामी पत्रकार संघ ही केवळ संघटना न राहता पत्रकारांच्या आत्मसन्मानाचे, हक्कांचे व सुरक्षिततेचे बळकट व्यासपीठ बनले आहे. विजय सूर्यवंशी यांच्या दूरदृष्टीतून उभा राहिलेला हा संघ पत्रकारितेच्या क्षेत्रात नव्या युगाची नांदी ठरत आहे.
संघाचा आठवा वर्धापन दिन दि. ३० डिसेंबर २०२५ रोजी
गर्दे सभागृह, जिल्हाधिकारी कार्यालयामागे, बुलढाणा येथे साजरा करण्यात येणार आहे.
या कार्यक्रमास महाराष्ट्रातील समस्त पत्रकारांनी मोठ्या संख्येने उपस्थित राहून सहभाग नोंदवावा, असे आवाहन पुरोगामी पत्रकार संघाचे विदर्भ विभागीय अध्यक्ष मनोज मोडक यांनी केले आहे.
0 Comments