कातलाबोडीत स्वातंत्र्य दिनानिमित्त ग्रामसभा उत्साहात संपन्न
विकासकामांसह गावातील मूलभूत सुविधांवर चर्चा; ग्रामस्थांचा उत्स्फूर्त सहभाग
कोरपना प्रतिनिधी १५ ऑगस्ट २०२६ : ग्रामपंचायत कातलाबोडीच्या वतीने स्वातंत्र्य दिनानिमित्त ग्रामपंचायत कार्यालय तसेच जिल्हा परिषद शाळा कातलाबोडी येथे ध्वजारोहण कार्यक्रम उत्साहात पार पडला. त्यानंतर ग्रामपंचायतीची सर्वसाधारण ग्रामसभा शांततापूर्ण व उत्साहपूर्ण वातावरणात संपन्न झाली.
ग्रामसभेच्या अध्यक्षस्थानी ग्रामपंचायत सरपंच विजय नानाजी धानोरकर होते. यावेळी पोलीस पाटील दिनकर पाटील जोगी, ग्रामपंचायत सदस्य अविनाश रामजी आत्राम, जिल्हा परिषद शाळेचे मुख्याध्यापक, ग्रामपंचायत पदाधिकारी व कर्मचारी तसेच मोठ्या संख्येने ग्रामस्थ उपस्थित होते.
ग्रामसभेत पूर्वसूचनेनुसार विविध विषयांवर चर्चा करण्यात आली. सन २०२५-२६ च्या वार्षिक अहवालानुसार ग्रामपंचायतीचा जमा-खर्च ग्रामस्थांसमोर सादर करण्यात आला. गावातील विविध विकासकामे राबविण्याच्या दृष्टीने सरपंच विजय धानोरकर यांनी ग्रामस्थांशी संवाद साधला.
यावेळी ग्रामस्थांनी गावातील आवश्यक विकासकामे, मूलभूत सुविधा तसेच स्थानिक समस्यांबाबत आपली मते मांडली. गावाच्या सर्वांगीण विकासासाठी प्राधान्यक्रम निश्चित करून आवश्यक त्या उपाययोजना करण्याबाबत सभेत चर्चा झाली.
ग्रामपंचायतीच्या माध्यमातून गावाच्या विकासासाठी विविध उपक्रम प्रभावीपणे राबविण्याबाबतही विचारविनिमय करण्यात आला. ग्रामस्थांच्या सहकार्याने विकासकामांना अधिक गती देण्याचा निर्धार यावेळी व्यक्त करण्यात आला.
ग्रामसभा शांततापूर्ण व उत्साहपूर्ण वातावरणात संपन्न झाली. गावाच्या विकासासाठी ग्रामपंचायतीला सर्वतोपरी सहकार्य करण्याचे आश्वासन उपस्थित ग्रामस्थांनी दिले.
0 Comments