• गोल पुलाचा रस्ता सुरळीत करावा: बल्लारपूर शहर काँग्रेस कमेटीची मागणी

हिंदुस्तान न्यूज 24 : संजय लोहकरे

उपजिल्हा प्रतिनीधी,चंद्रपूर

बल्लारपूर: महाराष्ट्र प्रदेश काँग्रेस कमेटीचे सचिव घनश्याम मूलचंदानी यांच्या मार्गदर्शनाखाली आणि शहर काँग्रेस कामेटीचे अध्यक्ष देवेंद्र आर्य यांच्या नेतृत्वाखाली गोल पुलाच्या रस्त्यावरून ये-जा करणा-या नागरिकांना आणि वाहनचालकांना येणाऱ्या समस्या सोडवण्यासाठी नगरपरिषद बल्लारपूरचे मुख्याधिकारी विशाल वाघ यांना निवेदन देण्यात आले.

निवेदनात म्हटले आहे की, गोल पूलाच्या विस्तारीकरणाचे कार्य रेल्वे विभागा कडुन मागील सहा महिन्यापासून सुरु आहे. या कार्यांमुळे गोल पुला मधून ये-जा करणा-या लोकांना फार त्रास सहन करावा लागत आहे.

या संबंधात अनेक वेळा नागरिकांनी तक्रार करून सुध्दा रेल्वे विभागातर्फे बांधकामात दिरंगाई व टाळाटाळ दिसुन येत आहे.

गणेशोत्सवा दरम्यान या मार्गावर नागरिकांची वर्दळ वाढली असून रेल्वे विभागातर्फे गोल पूलाच्या एका बाजूने बांधकामाच्या नावावर अर्धा रस्ता अडवून ठेवल्यामूळे नागरिकांना तसेच वाहन चालकांना खूप त्रास होत आहे.

आपल्या मार्फत रेल्वे विभाग, महसूल विभाग तसेच पोलिस प्रशासनाची संयुक्त बैठक आयोजित करून या समस्येवर कायमस्वरूपी तोडगा काढण्यात यावा ही विनंती.

सदर निवेदन देताना महाराष्ट्र प्रदेश काँग्रेस कमेटीचे सचिव घनश्याम मूलचंदानी, शहर काँग्रेस कमेटीचे अध्यक्ष देवेंद्र आर्य, माजी नगराध्यक्षा छाया मडावी, माजी नगरसेवक भास्कर माकोडे,आनंद कटारे, नरसिंह रेब्बावार, लखपती घुगलोत यांच्यासह काँग्रेस पक्षाचे पदाधिकारी आणि कार्यकर्ते उपस्थित होते.